افتح قلبك

أنا وهو

2007-12-15T14:24:00.000-08:00

أنا عندى مشكلة نفسى حد يشاركنى فيها واسمع ارائكم

انا اتعرفت بشاب من خلال عمل مؤقت اول ما اتعرفت علية هو كان شخص ملتحى وانا كنت مش محجبة قربنا من بعض واتعرفنا على بعض اكتر وحبينا بعض وطلب منى انى البس الحجاب وانا لبست الحجاب وغيرت فى نفسى حاجات كتير اوى غيرت فى لبسى وفى تعاملاتى مع الناس واتغيرت نوعا ما بس ما وصلتش للمرحلة اللى هو عايزنى عليها لانة عايزنى البس النقاب وانا مش قادرة اعمل كدة خالص وفى اختلاف كبير فى الطباع بينة وبينى وبالرغم من كل الاختلافات دى الا ان احنا بنحب بعض اوى لكن انا مش قادرة اعمل اللى هو عايزة ولا هو قادر يتنازل عن النقاب

انا بحبة اوى وهو كمان هو راح لاهلى واتقدملى لكن اهلى معارضين عشان عارفين انى مش هكون مرتاحة

وانا تعبانة اوى ومش قادرة اسيبة ابدا حاولت كتير ابعد عنة لكن مش قادرة وخصوصا ان هو بيحبنى جدا وعمرى ما هلاقى حد يحبنى زية

انا عملت صلاة استخارة كتير اوى لكن كل ما نسيب بعض نرجع تانى والموضوع مالوش نهاية نفسى مش عارفة اعمل اية احاول اعمل اللى هو عايزة وانا مش مقتنعة بية واتخطب لة واجرب ولا اسيبة والحق الموضوع فى اولة انا خايفة اوى ومش عارفة اعمل اية ياريت حد يساعدنى ويحس بمشكلتى

--------------------

ودى كانت المشكلة اللى وصلت لبريد باب أفتح قلبك

بداية مش عارفة أعبر لك أزاى عن حاجات كتير جوايا بس هاخدها معاكى واحدة واحدة

أولا إنتى بتقولى أن الشاب اللى إنتى عرفتى ملتحى وأنا اللى أعرفه أنه الواحد اللى بيوصل للدرجه دى لازم يكون متدين جدا وحتى لو إنتى عجبتية المفروض كان يدخل من الباب على طول من غير ما تتكلموا مع بعض

الغريبه إنك كنتى غير محجبة وهو بص لك يعنى هو فيه عيب خطير أنه بيبص للبنات وعينه زايغة لأن المفروض أن الملتحى دة يكون ملتزم بدينه قوى ولا أيه

وكمان فضلتوا تكلموا بعض وحبيتوا بعض وأستمر الموضوع وكمان طلب منك أن تتحجبى وأنتى أتحجبتى علشانه

أولا موضوع أنك تتحجبى علشان حد مرفوض لأن إنتى المفروض تكونى مقتنعة بالحجاب

وثانيا هو الواضح أنه من النوع الأستغلالى وواضح أن شخصيتك ضعيفة جدا قدامه وده أكيد هيتعبك بعدين لو أرتبطوا لأنه بيستخدم معاكى أسلوب الضغط أنه يفضل يطلب منك طلب وما يسيبكيش الا لما توافقى عليه وده طبعا غلط لان كده شخصيتك أتعدمت

وكمان فيه أختلاف فى الطباع بينكم وعمركم ما هتتفقوا الحب لوحده مش كفاية علشان تتفق طباعكم وده اذا كان حب من الأساس

وبعدين هو طالب منك حاجات وانتى مش مقتنعه بيها يبقى أزاى هتكلموا حياتكم كده

الأحسن أنك تنهى الموضوع لأنه محكوم عليه بالفشل

ولو مش قادرة تنهيها ممكن تتخطبوا وصدقينى هتعرفى بنفسك أنكم ما تنفعوش لبعض

هو لو كان فعلا كويس ومتدين ومحترم كان دخل البيت من بابه على طول وكمان لما أهلك رفضوه كان المفروض يبطل كلام معاكى وإنتى كمان كان المفروض تنهى علاقتك بيه

وياريت فعلا تنهى علاقتك بيه

وزى ما قلت لك لو مش نافع تنهوا العلاقة أعملوا خطوبة وشوفى بس صدقينى نهاية العلاقة دى أحسن حل

----------------------

مستنين كل مشاكلكم على

aft7albk@gmail.com

---------------------

(bos bos) تحرير بسمه عبدالباسط

العودة للصفحة الرئيسية

مين نفسنا

2007-11-06T10:43:00.001-08:00

مين نفسنا وليه نفسنا وبنعمل أيه هنا كل الحاجات دى هتعرفوها حالا

مين نفسنا

مجموعة شباب نفسهم فى حاجات كتير وشافوا أن القلم هو اللى هيحقق ليهم حاجات كتير ويوصل فكرهم لناس كتير

أكيد أحنا مختلفين فى حاجات كتير بس بنؤمن دايما بالأختلاف والتنوع ما هو ما ينفعش كل الناس تكون زى بعض فى تفكيرها

أحنا مجموعة شباب بنحلم وحلمنا كبير وبدأنا أول خطوات حلمنا معاكم وبالتأكيد هنكمل حلمنا وهنمشى طريقنا ومفيش حاجة ممكن توقفنا غير الموت حتى بعد الموت قلمنا هيفضل يتكلم عنا وكتاباتنا هتفضل عايشة

لية نفسنا

نفسنا أسم أرتبطنا بيه وهو له معنين

نفسنا بمعنى أحنا

نفسنا بمعنى بنتمنى

هاه فهمتوا قصدنا من نفسنا

بنعمل أيه هنا

بنتكلم بنكتب بنشكى بنساعد بعض فى حل مشاكلنا

بنقول كل اللى فى نفسنا بجد

تعالوا بقى أعرفونا

----------------------

أميرة ويلز

كالبحر أنا يملائنى الحب وأثور بالغضب والأحزان
لا تنضب كلماتى مادام يحيا بداخلى الإنسان
ولا ينتهى مرحى كالطفلة الصغيرة سريعة الجريان
أبحث دوما عن قلمى ليظل عالقا بيدى
إلى أن أفنى ويفنى البنيان

اسمى رشا او أميرة ويلز فتاة بسيطة أحمل همى على قلمى

الكتابة فى كل المجالات خاصة الادبية والشعرية متعتى

هدفى إمتاع الآخرين بكل مااكتبه أنا بمتعة حقيقية وأن تصل دوما مشاعرى
التى تكمن بين السطور

-------------

bos bos

بحب الحياه وبحلم كتير ونفسى أحقق أحلامى ونفسى الناس تكون ناس بجد بحب الكتابة قوى بحس أنها أنا ونفسى كتاباتى توصل لكل الناس

اسمى بسمه 24 سنه

درست فلسفة وأشتغلت فى مجال المكتبات

طول عمرى بحب الكتابة ونفسى أكتب وكل الناس تشوف كتاباتى وكنت زمان بكتب حاجات كده على قدى وكان نفسى أكون صحفية أو كاتبة بس كنت عارفة أنة مش هقدر أدخل كلية أعلام لظروف كتيرة

ولكن بعد ما عملت مدونتى رجعت لحلمى تانى وكبر الحلم لما فكرنا فى مجلة نفسنا وأتحقق الحلم لما عملناها

ولسة عندى أحلام كتيرة بس كلها برضة متعلقة بالكتابة

---------------

ودول كانوا أول أتنين فكروا فى نفسنا وعملوها وقدروا يحققوا حلمهم وبدأت فعلا المجلة بيهم هما الأتنين وكبرت معاهم وكبر حلمهم معاها ولسة بيكبر الحلم

-----------------

همسات ساكنة

اسمي شيماء .. عندي 20 سنه .. بدرس في كليه الالسن

بحب الكتابه والموسيقى

كان حلمي ادخل كليه الاعلام واكون صحفيه بعد كده

يمكن حلمي ده متحققش بس اكيد المدونات ان شاء الله تحقق لي الحلم ده

يمكن وقت اما اكون متضايقه اكتب احسن من الوقت اللي اكون فيه فرحانه دي كانت نبذه بسيطه عني يمكن تقدروا تعرفوني اكتر عن طريق كتابتي واكيد حتقدروا تعرفوا من خلالها الحاله النفسيه اللي مريت بيها وقت الكتابه

---------------------

وينكى

أنا اسمى مروه..لكن أحب لو تنادونى وينكى...المروات ماليين البلد وأنا أحب التميز
بيقولوا عليا سبع صنايع
مثلت وغنيت ورسمت وكتبت قصص وشعر
وفى الآخر... كل ده كان على الرف
دخلت الكليه اللى بحبها وباعشقها..اتخانقت علشانها , وفى الآخركسبت فيها كتير
دخلت قسم الفلك وبقى كل حياتى وحبى الأولى
فى الآخر... على المستوى الواقعى... انا واحده عاديه جدا..حاسه جواها ببراكين عاوزه تتفجر لكن مش عارفه تعمل ده لألف سبب وسبب
المكان الوحيد اللى لقيت نفسي فيه بجد هو الفضاء البلوجرى..خلوا بالكوا من فضاء دى
هنا حيث أنتمى
وحواليا كل الناس اللى حبيتهم وحبونى بجد لأنى أنا وزى مانا
عنديه ساعات...مطيوره ومجنونه...مش جديده
مدمنة شيكولاته لأبعد حد...ولو ما أخدتش الجرعه اليوميه باكسر الدنيا...احم احم
لكن بحب كل الناس وعمرى ما كرهت حد مهما كانت إساءته ليا
ودايما عندى مكان فى قلبى لحد جديد
اه على فكره..انا باكتب براحتى وكلام ياعينى يا سيدى..انما لو حد طلب منى أقول البقين دول شفوى...هاضرب لخمه وأجيب ألوان الطيف
أصل أختكوا بتتكسف مووووووووت
ايه؟؟...مش باين؟؟
اكمنى يعنى بحب اجمع الناس وبنروح الحفلات وبنهيص والزغروطه عندى طقس هام جدا؟؟؟
بس برضه باتسكف...حد عنده اعتراض؟؟؟
كفايه صداع بقى لحد كده..أنا فى الشغل دلوقتى ولو اتقفشت هاتبقى وكسه وخيبه منيله
شغلى على فكره مالوش اى علاقه لا بهواياتى ولا بدراستى... مشروع قومى يهدف لخدمة المصريين ورفع المستوى الصحى ليهم عن طريق مكافحة عدوى فيروس التهاب الكبد الوبائي
طبعا اسمى فى المشروع حاجه مكعبره كده مالهاش ملامح...ماتسألونيش شايلاه لوحدى ازاى
بجد بحلم انى أمثل وأغنى...مش عشان الفلوس ولا عشان الشهره
أنا بحب الفن للفن... ومؤمنه بيه لأبعد حد
المدونه ساعدتنى انى اعمل كل اللى نفسي فيه
سجلت أغانى بصوتى وحطيتها ...وان شاء الله فى الخطة الخمسية القادمه هاحط سيديهات العروض اللى شاركت فيها
باكتب وبانشر كتاباتى والعالم كله بيقرالى ولا أجدع صحفى
وكل يوم عن التانى باكتشف فى نفسي قدره ماكنتش عارفه انى ممكن أنفذها لوحدى وبالامكانيات دى قبل كده
مؤمنة بالحرية والامل..من غيرهم ماقدرش أعيش
ممكن أفكارى تجيبلى مشاكل..بس يكفينى أنى لأول مره باعمل اللى أنا مؤمنه بيه
مش اللى مفروض عليا انى اعمله

--------------------

nadeen

انا نادين جديده ف نفسنا عندى 19 سنه قول عشرين

بدرس اداب اثار كان نفسى بيجد ادخل كليه الاثار نفسها او اعلام بس وقفت معايا على 5 او 10 قول عشرين ف الميه

من لاخر رئيسه حركه طلاب الانتساب من اجل التغيير

بفهم نوعا ما فى التصوير والرسم و بحب القرايه جدااا وبعشق كتب محمود السعدنى وبحب اى حاجه يكتبها بلال فضل
وبحب شعر احمد مطر
وطبعا الفاجومى احمدفؤادنجم واخيرا على سلامه

معرفش ليه تنّحت للدنيا كده
فجأة لقيتني مسكون بالملل
لا عندي رغبة في البكا ولا في الكلام ولا عارف أنام
ولا حتى بسأل إيه ده إيه و أخرتها إيه و إيه العمل
و أخاف أقول لأي حد
أحسن يقوم يقلبها جد
حد صاحبي ينزعج
يمد إيده في قلبه من باب الكرم
عشان يشاركني في ألم
أو يستلفلي من لئيم حبّة أمل
حالة كده .. معرفش إيه

حالة كده ملهاش معالم
ساعات تزورني في الربيع .. في الحر .. و في عز الشتا
و تجيب حاجات لا فيها روح ولا ميتة
لكني برجع منّها بعد السكات .. فاهم شوية في اللي فات
حاسس أوي بحزن الصحاب .. محظوظ أنا
ساعات أشاور ينفتحلي ألف باب
لكنّي بغلط في الحساب
معرفش ليه

حيرة فتاه

2007-10-08T14:33:00.000-07:00

وصل الى بريد باب أفتح قلبك مشكلة وبداية أعتذر عن تأخرى فى الرد عليها وهذا بسبب توقف المجلة لمدة طويلة

والمشكلة لفتاه تقول أحب شخص كان بيموت فيا أحس أنه أتغير أزاى أعرف أنه مازال يحبنى

--------------------

بداية أريد أن أعرف كيف عرفتى أنه يحبك وكيف عرفتى أنه تغير وما هى طبيعة العلاقة بينكم

وبما أنه لا يوجد أى معلومات فسوف أفترض أنا وأجيب

لو كان فعلا هو زميلك فى الدراسة أو العمل وصرح لكى بحبه ولكن لم يدخل من الطريق الصحيح ولم يعرف أحد من أهلك بالموضوع وكان الموضوع بينكم وبعد هذا هو تغير فهو كان يتسلى ويلعب بكى فقط وبمشاعرك وعندما وجدك تحبيه أستغل هذا

ولكن لو لم يكن صرح لكى بحبه ولكنك تظنين هذا لأى سبب من الأسباب وكان هو يعاملك كزميلة أو كصديقة ولكنك فسرتى معاملته خطأ فأنتى المخطئة وإنتى التى صنعتى لنفسك وهم ودخلتى الى هذا الوهم

وأرجو منك المزيد من المعلومات لأستطيع مساعدتك

-------------------------------

وأخيرا أقول لكل فتاه لا تدخلى فى أى علاقة مع أى شاب بدون علم أهلك لإنك الخاسرة الوحيدة فى كل ما يحدث

-----------------------------------

فى أنتظار مشاكلكم على الأيميل

aft7albk@gmail.com

bos bos لمراسلة

أو الأيميل

nafsena@gmail.com

لمراسلة أميرة ويلز

bos bos تحرير

العودة للصحفة الرئيسية

مشكلة كبيرة

2007-08-19T04:57:00.000-07:00

وصل الى بريد المجلة مشكلة محتاجة لحل سريع وهى

احببت شخص وهو كذلك وترك كل مالديه لوالده شرط انت يتزوجني ولكن والده لم يوافق وحاول كثيرا دون جدوى وبالتالي اهلي لم يوافقوا لان والده رفضني وعشنا احلى ايامنا دون زواج وعندما سافروا اهلي للاجازه طلب مني ان يراني ليلا بحجه ان اهلي غير موجودين وعندما رفضت اتهمني بالتقصير معه وانني لا احبه مع العلم انني لم اقصر وكنت اراه من وقت لاخر انا اعلم انه يحبني كثيرا والا لما رفض ان يبقى مع والده في الشركة لانه رفضني انا لا اريد ان اتركه لانه الان تخلى عن اهله بسببي ماذا افعل هل استجيب لطلبه علما اننا نتعامل معاملة الازواج ولماذا يتهمني بالتقصير سوف افقد عقلي ارجوا الاجابه باسرع وقت ارجوكم هو لايريدني الان وطلب مني ان تبقى علاقتنا عاديه ارجوكم ردوا علي قبل ان افقد ماتبقى من عقلي

----------------------

أصابتنى الدهشة عندما وصلت الى نهاية المشكلة وعلمت حقيقة العلاقة بين الشاب والفتاه

لا أعلم بماذا ابدأ من بداية المشكلة أم من نهايتها

ولكن سوف ابدأ من البداية فالفتاه تقول أنها تحب هذا الشاب وهو أيضا ولكن والده رفض وأيضا أهلها رفضوا فكان يجب على الشاب والفتاه المحاولة لأكثر من مرة مع الأهل ومن الممكن توسيط أحد الأقارب أو المعارف أو الأصدقاء ولكن لو فشلت كل المحاولات يجب أن تنتهى العلاقة بينهم لأنه لا يوجد أمل فى الزواج

ولكن بما أن نهاية المشكلة وضعتنا فى مشكلة أكبر وهى أن العلاقة بينهم ليست علاقة عادية ولكنها علاقة الأزواج

فأنا لا الوم أحد هنا الا الفتاه فانتى المخطئة الأولى والأخيرة فقد وضعتى نفسك فى وضع صعب جدا

وتنازلتى عن أهم شىء ولم تعرفى كيفية الحفاظ على نفسك وأنتى الآن تسألى ما الحل

عزيزتى هذا الشاب بعد ما أخذ منك كل شىء لا يريدك الآن كما قلتى والدليل أنه طلب منك أن تكون علاقتكم عادية فهو لم يكن يحبك لشخصك فهو كان يريد شىء وأخذه لذلك هو يتهرب منك وسيظل هكذا

نقطة أخرى لنفرض أنه كان يحبك أعتقد أن بعد تفريضك فى نفسك فأنه لا يأمن أن يتزوج من فتاه قامت بفعل كل هذا معه حتى لو كان يحبها

ولكن نحن الآن أمام مشكلة ويجب أن تحل فيجب عليكى محاولة أقناعة بالزواج منك ومحاولة أقناع الأهل بذلك

واذا لم يقتنع واذا لم يقتنع الأهل عليكى بمصارحة أهلك أو أحد أفراد عائلتك لكى يقفوا بجوارك ويحاولوا حل هذه المشكلة التى لا يوجد حل لها الا الزواج من هذا الشاب حتى لو كان هذا الزواج مؤقتا وسوف يتم الطلاق بعده ولكن هذا الزواج لكى تظهرى بمظهر لائق ومحترم أمام الناس

وأنا أعتقد أن هذا الشاب سوف يتهرب منك ومن أهلك ومن أى شخص يتوسط لحل هذه المشكلة

فيجب عليكى فى هذه الحالة التنازل عن أى حق لكى مقابل أن يتزوجك ويطلقك بعدها وحتى لا يخاف من مطالبتك لأى حق بعد الطلاق

وفى النهاية أحب ان أخبر كل فتاه أن تحافظ على نفسها لأنها هى الخاسرة الوحيدة فى كل ما يحدث وهيا الضائعة فى كل هذه المشاكل

وأحب أن أقول لكى أن هذا الشاب لا يحبك حب حقيقى لأنه لو كان يحبك لكان حافظ عليكى

فيوجد فرق كبير بين حب الروح وحب الجسد

وفى النهاية أتمنى أن ينتهى الموضوع على خير وأن يتم الزواج وحتى لو كانت نهايته الطلاق مباشرة لأن هذا هو المتوقع

وانا حتى الآن الوم هذه الفتاه على ما فعلته فى نفسها

وأريد من الفتاه مراسلتى بكل التطورات حتى أطمئن

وكانت هذه هى المشكلة والحل من وجهة نظرى وفى أنتظار آرائكم فى هذه المشكلة

وفى أنتظار مشاكلكم على البريد الألكترونى

aft7albk@gmail.com

أو

nafsena@gmail.com

bos bos تحرير

العودة للصفحة الرئيسية

مشكلة الحب

2007-07-11T10:19:00.000-07:00

وصل الى بريدى رسالة محتاجة لحل سريع والمشكلة عبارة عن جملة واحدة ولكنها تساوى الكثير وتعنى الكثير لصاحبة المشكلة

والمشكلة هى (انا بحب واحد وانا حاسة انه يحبني بس عاوزاه يعترف لي بس ازاي وهل اعترف له اني بحبه ساعدني الله يحفظك ) 0

هذه هى المشكلة والتى أحترت كثيرا فيها وكنت خائفة من عدم أستطاعتى الوصول لحل ومساعدة صاحبة المشكلة

----------------------

بداية قبل الكلام فى أى شىء أقول لهذه الفتاه اياكى والتصريح بحبك لهذا الشاب

وثانيا كنت محتاجة تفاصيل أكتر علشان أقدر أحدد ردى بس على العموم أنا هحتمل شوية حاجات وهرد

بداية لو أنتى والشاب ده لسة فى مرحلة الدراسة يعنى ثانوى أو جامعة أحب أقول لك أن ممكن تكون دى مشاعر مراهقة أنتى عايشاها وممكن تكونى معجبة بالشاب ده ويكون متهيألك أنك بتحبيه وده كمان بيخليكى حاسة أنه بيحبك

وعلشان كده هقول لك اياكى والتصريح له بحبك أو أعجابك بأى طريقة مهما كانت

ركزى فى دراستك وشوية وهاتلاقى كل ده راح هاتلاقيها فترة وعدت وياريت بلاش تفكرى فى الحكاية كتير

لأنها فى الأخر هاتطلع مشاعر مراهقة وهاتخلص ولو فعلا كنتى بتحبيه بجد ومش مراهقة برضة ماينفعش تعترفى له بحبك مهما حصل ولأنه لو هو كمان بيحبك تقدرى تقولى ليا هتعملوا أيه يعنى أنتوا لسة فى الدراسة وقدامكم مشوار وماينفعش نتكلم فى المواضيع دى دلوقتى لسة بدرى عليها وأكيد المشاعر بتتغير

--------

ثانى حاجة بقى لو كنتوا مخلصين دراسة يعنى خلاص عديتوا مرحلة المراهقة برضة هقول لك اياكى والأعتراف بحبك له حتى لو كنتى متأكده أنه بيحبك ولأن كمان ممكن تكون مشاعرك هيا اللى محسساكى أنه بيبادلك نفس الشعور

ولو فعلا هو بيحبك يبقى هو اللى لازم يعمل الخطوة دى ويحاول يعرف رأيك عن طريق أى حد وبعدين يتقدم ليكى رسمى وتمشوا الطريق صح لأن الدخول من الباب أحسن حل والدخول من الشبابيك مش هويودينا غير للمشاكل

صدقينى لو فعلا هو بيبحك وأنتى أعترفتى له بحبك قبل ما هو يتكلم هتنزلى من نظرة قوى ولو كان ناوى يتقدم لك ممكن يغير رأيه

البنت المفروض يكون عندها حياء وكرامة

وفى النهاية أتمنى أنى أكون ساعدتك فى مشكلتك وطبعا كل الناس لها حق التعليق وتصحيح كلامى وأضافة أى حل من وجهه نظرهم وياريت تبعتيلى وتعرفينى أخبارك

خالص تحياتى لكم وفى أنتظار مشاكلكم

bos bos

العودة للصفحة الرئيسية

استهتار الشباب

2007-06-02T05:15:00.000-07:00

وصل الى بريدى مشكلة محتاجة لحل سريع
المشكلة مرسلة من فتاه تبلغ من العمر 26 عاما تتلخص المشكلة فى أن هذه الفتاه كانت تحب زميل لها وهو أيضا كان يحبها ولكن هى لم تتكلم معه على الرغم من حبها الشديد له وعلمها بحبه لها ولكن بعد فترة تكلموا الأثنان مع بعض وكانت بينهم مكالمات تليفونية والقليل من المقابلات فى الجامعة وتقول هذه الفتاه أن هذا الشاب كان مستهتر بعض الشىء ولا يهتم بدراسته وكان له شلة من الأصحاب غير محترمة وهى فى بداية كلامها معه قالت له لا أستطيع أن أرتبط بك وأنت على هذا الوضع فيجب أن تتغير فقال لها انه سوف يتغير من أجلها وأنه يريدها بجوراه ووقفت هذه الفتاه مع هذا الشاب وبالفعل أبتعد عن شلة الأصحاب وأصبح مهتم بدراسته الى حد ما وتقول أنها كانت تموت فى اليوم مئات المرات لأنها تفعل شىء من وراء أهلها وكان هذا الشاب فى مثل سنها ولكنه كان أقل منها بعامين فى سنوات الدراسة والفتاه تحملت كل شىء من أجله وأصبح على يدها أحسن بكثير من السابق وأصبحت ملابسه منتقاه بعناية بناء على أرشادات الفتاه وطريقة كلامه تغيرت تماما للأحسن ولكن هذا الشاب كان متقلب فكل مده يقول لها أنه لا يصلح لها وأنها تستحق شخص أخر أحسن منه مليون مرة ويقطع علاقته بها وبعد مده يعود لها وطبعا الفتاه من كثرة حبها له تعود له مع وعد منه أنها أخر مرة يتركها وأنه سوف يتقدم بخطوة أيجابية فى حياتهم ولكن كل فترة يقطع علاقته بها وبدون أسباب واضحة ويعود مؤكدا لها أنه يحبها جدا ولا يستطيع الأستغناء عنها وأنهت الفتاه دراستها وهو مازال يدرس وظلت مستمرة فى الوقوف بجواره وتشجيعه على الأستمرار فى النجاح حتى يتم زواجهم وضحت هذه الفتاه بالكثير من الشباب المتقدمون لخطبتها من أجله المهم بعد أنتهائه من الدراسة فرحت الفتاه جدا جدا وطلبت منه أن يفعل خطوة أيجابية مع العلم أن أهله ميسورين الحال وبمقدروهم أن يخطبوا له ويجوزوه وأن يعملوا له مشروع ليعمل به
وكان هذا الشاب دائما حاسس بأنه اقل من الفتاه وخائف من المواجهة تعبت الفتاه من كتر الأنتظار وقررت أن تحسم مصيرها وحكت الحكاية كلها لأهلها فى البيت وقالت لهم أنه مستعد لخطبتها الأن ولكنه خائف من الرفض الأسرة كانت تعلم هذا الشاب وأسرته ودخلت البنت فى مشاكل عديدة مع أسرتها منها قسوتهم وشجارهم الكثر معها بسبب هذه المشكلة وسبها بأبشع الألفاظ وكانوا سوف يصلوا الى مرحلة ضربها لولا أنهيار نفستيها وهو ما جعلهم لا يقدمون على فكرة الضرب ولكن هل أنتهت المشكلة عند هذا الحد لا فقد تطورت الأمور ووصلت الى بيت هذا الشاب وأهل الفتاه أرسلوا لهم وكانوا غاضبين مما فعله أبنهم مع أبنتهم ولكن المفاجأة أن أهل الشاب ردوا بأن الفتاه هى اللى كانت تكلم هذا الشاب وتتصل به وترسل له خطابات والكثير من الشائعات الخاطئة التى زودت مشاكل أهل الفتاه معها فكان معظم كلامهم خطأ وتأليف ولكن أهل الفتاه صدقوا كل هذا الكلام وأصبحوا لا يثقوا فى الفتاه ومعاملتهم أصبحت قاسية معها جدا وأيضا أصبحت لا تخرج من البيت الا للضرورة وأصبحت كل مكالماتها الهاتفية مراقبة منهم وبعد مرور حوالى ست سنوات على هذه الواقعة مازات الفتاه تتألم ولكن ليس من حبها له لأنها بالطبع نسيت هذا الشاب ولكن من الجرح الكبير الذى أصابها من هذا الشاب وأهله ومن أهلها وقسوتهم معها والمفاجأة أن هذا الشاب وأهله أرسلوا لأهل الفتاه من حوالى عام ليخطبوها له ولكن لم يوافقوا والفتاه نفسها رفضت بشدة ولكن جرحها مازال ينزف بشدة والمشكلة أنها أصبحت لا تثق فى أى شاب وأصبحت تخاف من فكرة الزواج وتقول أنها عندما تعلم أنه يوجد عريس يريد التقدم لها تتعب نفسيتها جدا وتنهار تماما وهى منتظرة حل لما هى فيه

------------------------------------------

بعد رؤية المشكلة وقرأتها كاملة قررت أن أقوم بكتابتها وعرضها هنا بعد تلخيصها وأنا أرى أن هذه المشكلة تحدث لكثير من الفتيات والشباب وأكيد حدثت لكثير من الفتيات والشباب

المشكلة لها جوانب كثيرة وعديدة ومتشابكة ولكن كل هذه العوامل أدت الى أنهيار الفتاه تماما ووصولها الى مرحلة عدم التفكير فى الزواج بسبب ما حدث لها ولكن تعالوا معى نحلل ما حدث ونعلم ما سببه

أولا هذا الشاب من البداية كان مستهتر وغير متحمل لأى مسؤلية ولكنه بالطبع تغير كثيرا على أيدى هذه الفتاه ولكن شىء كبير لم يتغير فيه وهو السلبية وعدم تحمل المسؤلية فهو ترك كل شىء على الفتاه بداية من محاولتها لأصلاحه وهى نجحت فى هذا نهاية الى مصارحة أهلها بما فعلت وهو وقف متفرج مكتوفى الأيدى

نجد هنا ان الشاب كان سلبى جدا وهى كانت أيجابية جدا

ثانيا موقف الأهل فهم تعاملوا مع الفتاه بقسوة شديدة ونتيجة لهذه الطريقة فقد دمروا نفسيتها تماما وأصبحت تكره فكرة الزواج فكان يجب على الأهل أخذ الموضوع بهدوء وحكمة أكثر من هذه لأن الموضوع كان أنتهى والفتاه عرفت الشاب والأمر أصبح واقع فهذه الشدة والعنف لا يصلحوا الأن ولكنهم لم يفكروا فى هذا أبدا ودمروها أكثر فكان كافى عليها صدمتها من أهل الشاب ولكن لم يرحموها ووصفوها بأبشع الصفات مع أنها من الممكن أن تكون احسن بكثير من فتيات فعلوا كل شىء من وراء أهلم والكل يشهد لهم بالأخلاق فهذه الفتاه هى التى صارحت أهلها ولكن هم لم يغفروا لها شىء مقابل صراحتهاهذه فكان بأمكانها كتمان الأمر عنهم وترك الشاب فى أى وقت تريد أو أنتظارة حتى يأتى لخطبتها ولكن تسرعهم فى موقفهم دمرها تماما والأن الوضع أصبح سيىء فأصبحت تكره فكرة الزواج وتخاف منها وأصبحت تنهار من مجرد الحديث عن أى عريس

تعالوا معى لنرى لو كانت هذه الأسرة حلت الموضوع بحكمة أكثر من هذا وبهدوء أكثرأعتقد أن الوضع كان سيتغير على ما هو عليه كان من الممكن أن يرفضوا هذا الشاب ولكن بأسلوب مقنع وسلس كان من الممكن أن يراعوا شعور أبنتهم بدلا من جلدها هكذا هل هم الأن مستريحين من رفض أبنتهم لكن عريس يتقدم لهم وهم لهم يد فى تدهور نفسيتها هكذا

ثالثا موقف أهل الشاب منها والمشكلة الكبيرة التى سببوها لها وترك الشاب لأهله يفعلون كل هذا فالسلبية واضحة فى موقفه هذا وهذا أيضا صدمة كبيرة وجارحة جدا للفتاه

فأصبحت الفتاه هى الشخص الذى يلومها كل الناس بدون مراعاه مشاعرها أو الأحساس بها وبعد كل هذا وبكل بساطة يرسل الشاب للفتاه من عام لخطبتها هل هو ساذج أو غير واعى لما فعله هل هو متوقع أنها مازالت تحبه أو تفكر فيه فقد أصبحت الأن حطام أنسانه بسبب كل ما حدث معها من كل الناس

--------------------------------------

أقول لهذه الفتاه ولكل فتاه من البداية يجب الا نضع نفسنا فى الشبهات ولا نترك عواطفنا تلعب بنا فاذا حدث يوما ما ورأيتى شاب وحبك وأنتى أيضا وقعتى فى حبه أرجوكى قولى له يدخل من الباب ولا داعى الدخول من الشبابيك لأنك فى النهاية الخاسرة الوحيدة

وأيضا حاولى أن تنسى كل هذا وتنسى كل جرحك وأهتمى بحياتك أكثر وتذكرى أنك كنتى الأقوى فى هذه العلاقة فكنتى كل شىء بالنسبة له ووقفتى معه كثيرا وضحيتى من أجله وكنتى أيجابية وهو كان عكسك تماما فأنت الأقوى والدليل على هذا انه مازال يحبك ويريد الأرتباط بك ولكن لا فقد فات الوقت

وأقول للأهل أرجوكم لا تقسوا على بناتكم وحسوا بهم وبمشاعرهم وأقتربوا أكثر منهم وعالجوا الأمور دائما بالحكمة فالقسوة لا تفعل شىء غير تدمير نفسية بناتكم وأنتم الأن تدفعوا الثمن بسبب كرهها للزواج وأنتم تتمنوا أن تفرحوا بها

فنريد منكم المزيد من اللين معهم

bos bos تحرير

مشكلة الأهل مع التكنولوجيا

2007-04-29T11:30:00.000-07:00

أول مشكلة سوف نتحدث فيها هى مشكلة الأهل مع التكنولوجيا مثل النت والموبايل
المشكلة تتلخص فى عدم فهم الأهل لطبيعة هذه التكنولوجيا وأعتقادهم أنها وسائل لأضاعة الوقت والنقود والتسلية وأقامة المشاكل
يعتقد الكثير من الأهل أن النت وسيلة لأفساد شبابهم لا لتقدمهم أو للأستفاده منه فهم يرون أنه لا فائدة منه على الأطلاق وأنه لا نتيجة من أستخدامه غير أقامه العلاقات المشبوهة والكلام مع أى شخص وهذا ما يسمى بالشات وتضييع الوقت والتعرض للمشاكل نتيجة التشهير بهم من خلال أى شخص يريد العبث وأيضا التعامل مع الأيميل والمنتديات والمواقع هم يرون أنه سبب للكثير من المشاكل
وأيضا هم يرون أن الموبايل كارثة كبيرة ولا فائدة منه وأنه مضيعة للنقود وللوقت أيضا ويقولون أنه وسيلة أخرى لأفساد الشباب لأنه من السهل عليهم أن يكلموا أى شخص فى أى وقت وأن يرسلوا اليه رسائل وأن الموبايل مشكلة كبيرة وخصوصا للبنات وأنه ممكن يكون فرصة لمعاكسة البنت من اى شاب وفرصة كمان لأقامة أى علاقة
وده كان ملخص للمشكلة
وأعتقد أن هذه المشكلة ليست مشكلة فردية ولكنها مشكلة جماعية وكثير من شبابنا يشكون من هذه المشكلة ويشكون من عدم تفاهم أهلهم معهم فى هذا الموضوع ولذلك هم يلجأون الى التعامل مع هذه الأشياء فى السر فمثلا النت يدخلون عليه بعلمهم ولكن لا يكون عند علم أحد منهم ما يفعلة أبنهم أو أبنتهم
وأيضا الموبايل نرى أن الشاب أو الفتاه يستعملوه أيضا بسرية فكثيرا ما يغلقوا صوت الموبايل حتى لا يعرف أحد من يتصل بهم أو يرسل لهم رسائل
ولكن يجب أن يصل صوتنا لهم ويجب أن يعرفوا أهمية التكنولوجيا فى حياتنا
فالنت له فوائد عديدة ومميزات لا حصر لها فمنه نتعلم أشياء كثيرة يكفى فائدة البحث عن طريق جوجل فمنه نستطيع الوصول الى معلومات لا حصر لها وهذه ميزة من مميزات النت ولكنها مفيدة الى درجة كبيرة وهذا بجانب فوائد عديدة منها الدخول الى الكثير من المواقع العادية والأخبارية والكثير من المنتديات التى تفيد الناس بكل شىء ولذلك يجب أن يعرف الأهل كل هذا وأن يقتنعوا أنا أعلم أن الموضوع فى غاية الصعوبة لكن بالأقناع سوف يتم كل شىء فمن الممكن أن يروا معكم أى موقع به معلومات أو أخبار أو أى منتدى أو أى شىء حتى يقتنعوا بمدى فائدة النت ومن الممكن أيضا أن نستشهد برأى أى شخص من العائلة فى أى جلسة عائلية ويتكلم عن موضوع النت وفائدتة وهكذا حتى يقتنع الأهل
والمشكلة الأكبرأن الأهل يرفضون النت بسبب ما يسمعوه ويشاهدوة ففى الكثير من القنوات التليفزيونية نجد برنامجا أو مسلسلا يتحدث عن النت كأنه جرثومة وكأنه العدو الأول للشباب ونجدهم يحكون عن فلان أو فلانه الذى عرف أشخاص عبر النت وحدثت بينهم علاقة او مشاكل وأيضا نجد فى الصحف العديد من الحكايات المماثلة وهذه الحكايات تخيف الأهل بدرجة كبيرة
لذلك نحن نرجو من آعلامنا أن يوضح المزايا والعيوب
وأيضا الموبايل له فوائد كثيرة ولكن الأهل أيضا يعتقدون أنه وسيلة لفساد الشباب لأنه من الممكن لأى شاب أو فتاة أن يكلموا أى شخص بدون معرفة أهلهم ولكن عندى سؤال هل قبل الموبايل كانوا الشباب ملتزمين أو بمعنى أخر هل فى هذا الوقت لم نرى شباب أو فتيات يفعلوا أشياء خطأ
فالمشكلة ليست فى الموبايل المشكلة فى الشخص نفسه وأيضا يجب أن نتجه الى وسيلة الأقناع فمثلا جرب أن تترك الموبايل فى منزلك وضع الخط فى أى مكان وأذهب الى كليتك أو عملك أو الى أى مكان وتعمد أن تتأخر لترى ماذا سيحدث عند رجعوك سوف ترى أهلك فى قمة الخوف عليك ويقولون لك لماذا لما تأخذ معك الموبايل وهم هكذا أعترفوا بفائدتة وأفعل هكذا مرات عديدة حتى يقتنعوا تماما بأنه ليس خطأ
وفى النهاية النت أو الموبايل فيه المميزات والعيوب ونحن الذين نحدد هذا فلو أستخدمنا هذه الأشياء فى أتجاهات مفيدة سوف نصل الى أشياء مفيدة ولو أستخدمناها فى أتجاهات غير مفيدة
فنحن كلنا نعلم نهاية الخطأ
والآن سوف أنتظر منكم تعليقكم على الموضوع وعندما تأتينى أى فكرة سوف أضعها فى الموضوع لكى يصبح فى أحسن صورة
ولا تنسوا أن ترسلوا لنا بمشاكلكم على البريد الألكترونى
bos bos مع خالص تحياتى لكم

---------------------------------------------

رسالة من صديقة

عندما علمت احدى صديقاتى اننى سأتكلم عن التكنولوجيا العصرية

ومشاكلنا معها ارادت ان اكتب رأيها وهو رأى على الجهة الاخرى

انه رأى ام تعيش خوفا يصل الى الرعب على اولادها

من هذا الغزو الذى يحدث لنا نحن وان كنا صمدنا واستطعنا التعامل مع كل هذا

ترى كيف سيكونوا ابنائنا افضل مننا فى التعامل ام أسوء

صديقتى سألتنى : تتذكرين اول مرة جلستى فيها على النت هل تتذكرين الانبهار

وكيف اننا ارتادنا كل شىء عليه ماعدا مايغضب الله ولكن تعلمين ايضا ياعزيزتى

انه يمكننا الوصول لاكبر فحش بضغطة زر ولو من باب الفضول والاستطلاع

وان كنا لم نفعل نحن لاننا لا نريد ان نخطأ ونعلم ان الوصول الى هذه الحافة خطر

فهناك الكثيرين والكثيرات جدا دفعهم فضولهم لمثل هذه الاحاديث على الشات

او ارتياد مثل هذه المواقع البذيئة للبحث عن معلومة ما تشبع فضولهم

انتم الآن تشتكون من حصار الاهل وخوفهم من النت والموبايل وما الى ذلك

وهو بالنسبة لهم شىء مجهول فما بالكم لو علموا خباياه لو علموا انه بضغطة زر يمكنك الوصول

الى اى شىء وكل شىء مهما كانت درجة منفعته او ضرره

تعلمين كم نقضى من الوقت ونضيع من عمرنا فى الحديث على النت او حتى الجلوس على المواقع

لتبادل الاراء او الملفات

وتعلمين ايضا كم ندفع من المال على محادثات تافهة فى الموبايل وكل منا اخذها الخطأ

فى احيان كثيرا للتساهل والحديث مع اصدقاء كثيرون على النت لا نعلمهم

وان كنا تعلمنا فيما بعد مع من نتحدث ومن يمكننا الاستمرار فى الحديث معه

ومن يمكننا ايقافه عند حده ومتى بالظبط

كذلك الموبايل الذى اصبح ادمان بلا داعى ولغينا عقلنا فى اشياء كثيرة تغيرت فينا اشياء كثيرة

ولم نعد اشخاص طبيعين نعيش فى عالم افتراضى

هو عالم النت عالم من خيالنا باسماء خيالية وشخصيات خيالية

هى فى الحقيقة ليست شخصياتنا

لا اريد لاولادى ان يحيوا مش هذه الحياة جالسين بالمنزل طوال الوقت

امام هذا الجهاز اللعين ويضيعون ساعات وسنين فى احاديث فارغة

فينشؤن غير اجتماعيين بلا اصدقاء وبلا نشاطات

وعلى جانب اخر يخيل اليا ان حياتهم ستكون افضل مننا بكثير

لاننا لم نتربى على هذه التكنولوجيا فى حياتنا بل هذا التطور السريع فاجأنا

وتصورنا اننا محميين لاننا عشنا حياة طبيعية ثم دخلنا فيه

والحقيقة انه بهرنا وجذبنا بصورة زائدة لاننا لم ننشأ فى وجودهوبالتالى سيكون شيئا عاديا بالنسبة لابنائنا

لانهم خلقوا فوجدوه جزء من حياتهم وجوده طبيعى

وليس فيه مايبهرهم هذا الابهار او يجذبهم بهذا الشكل

لا ادرى هذا مجرد تخيل تصورته فماهو رأيكم انتم

انا حائرة كيف احمى اولادى من هذه الهجمة وهل اتركهم يعيشون ويجربون كل هذه الوسائل

أم امنعهم عنها واحاول ان اهيا لهم حياة طبيعية كما تربينا نحنولكن بهذا سأمنعهم من مواكبة عصرهم وكأنهم يحيون فى جزيرة منعزلة عن عالمهم

ووكذلك لن استطيع حمايتهم طوال الوقت فهناك اصدقاء وسايبرات وجودها ادهى وامر
فكروا معايا

تحرير أميرة ويلز