وصل الى بريدى رسالة محتاجة لحل سريع والمشكلة عبارة عن جملة واحدة ولكنها تساوى الكثير وتعنى الكثير لصاحبة المشكلة
والمشكلة هى (انا بحب واحد وانا حاسة انه يحبني بس عاوزاه يعترف لي بس ازاي وهل اعترف له اني بحبه ساعدني الله يحفظك ) 0
هذه هى المشكلة والتى أحترت كثيرا فيها وكنت خائفة من عدم أستطاعتى الوصول لحل ومساعدة صاحبة المشكلة
----------------------
بداية قبل الكلام فى أى شىء أقول لهذه الفتاه اياكى والتصريح بحبك لهذا الشاب
وثانيا كنت محتاجة تفاصيل أكتر علشان أقدر أحدد ردى بس على العموم أنا هحتمل شوية حاجات وهرد
بداية لو أنتى والشاب ده لسة فى مرحلة الدراسة يعنى ثانوى أو جامعة أحب أقول لك أن ممكن تكون دى مشاعر مراهقة أنتى عايشاها وممكن تكونى معجبة بالشاب ده ويكون متهيألك أنك بتحبيه وده كمان بيخليكى حاسة أنه بيحبك
وعلشان كده هقول لك اياكى والتصريح له بحبك أو أعجابك بأى طريقة مهما كانت
ركزى فى دراستك وشوية وهاتلاقى كل ده راح هاتلاقيها فترة وعدت وياريت بلاش تفكرى فى الحكاية كتير
لأنها فى الأخر هاتطلع مشاعر مراهقة وهاتخلص ولو فعلا كنتى بتحبيه بجد ومش مراهقة برضة ماينفعش تعترفى له بحبك مهما حصل ولأنه لو هو كمان بيحبك تقدرى تقولى ليا هتعملوا أيه يعنى أنتوا لسة فى الدراسة وقدامكم مشوار وماينفعش نتكلم فى المواضيع دى دلوقتى لسة بدرى عليها وأكيد المشاعر بتتغير
--------
ثانى حاجة بقى لو كنتوا مخلصين دراسة يعنى خلاص عديتوا مرحلة المراهقة برضة هقول لك اياكى والأعتراف بحبك له حتى لو كنتى متأكده أنه بيحبك ولأن كمان ممكن تكون مشاعرك هيا اللى محسساكى أنه بيبادلك نفس الشعور
ولو فعلا هو بيحبك يبقى هو اللى لازم يعمل الخطوة دى ويحاول يعرف رأيك عن طريق أى حد وبعدين يتقدم ليكى رسمى وتمشوا الطريق صح لأن الدخول من الباب أحسن حل والدخول من الشبابيك مش هويودينا غير للمشاكل
صدقينى لو فعلا هو بيبحك وأنتى أعترفتى له بحبك قبل ما هو يتكلم هتنزلى من نظرة قوى ولو كان ناوى يتقدم لك ممكن يغير رأيه
البنت المفروض يكون عندها حياء وكرامة
وفى النهاية أتمنى أنى أكون ساعدتك فى مشكلتك وطبعا كل الناس لها حق التعليق وتصحيح كلامى وأضافة أى حل من وجهه نظرهم وياريت تبعتيلى وتعرفينى أخبارك
خالص تحياتى لكم وفى أنتظار مشاكلكم
العودة للصفحة الرئيسية
5 comments:
السلام عليكم
انا متفقه معاكي
يا بوسبوس
وياريت صاحبة المشكله تاخد بالراي دا
ثانيا عرضك للمشكله ورايك والحل من وجهه نظرك بجد رائع
وفقك الله يا بوسبوس
بصي يا بوسبوس انا معاكي في اللي قلتيه بس لازم يبقي في راي واقعي شويا
يعني مثلا يكون في حد وسيط يعرف اذا ما كان الطرف الاخر بيبدلها نفس الشعور ولا حتى لاتوهم نفسها بانه يحبها وهو لايكون على هذه الحالة واذا كان يبادلها الحب فهل هو على استعداد للارتباط ام لا
حكايه الطرف اللى فى النص دى كويسه جدا
و خصوصا لو حد بتثق فيه
لانه ممكن يقربهم اوى
شوفى يا بسبس انا معاكى انها مش تصرح له بالحب ده عشان الولد هنا مش بيعترف بحاجة زى دى وعايز يحس انه هو دايما السباق .. ولكن الحب مفيهوش سن معين بالعكس فى السن ده الحب بيبقى قوى وبعيد عن اى اغراض .. وانا من رأئى انها تهتم به زيادة وتسأل دايما عنه وطالما هما يعرفوا بعض كويس متستعجلش وهو بنفسه حيبادر بمشاعره ناحيتها بس دايما تكون عند حسن ظنه بتصرفاتها .. سلام
حبيبتى بوسبوس بجد انتى رائعة ف حل المشاكل
و بجد عندك حق
و المشكلة رغم انها ف جملة واحدة بس فعلا صعبة و تواجه اى بنت
رائعة جد
تحياتى ليكى
Post a Comment